Fotografía a cegas III
Pintar un lenzo en negro
Temática: Accesibilidade, integración e inclusión
Esta programa forma parte de: Fotografía a Cegas
Onde se desenvolve: Museo provincial de Lugo | Museo provincial do Mar | Museo-Fortaleza San Paio de Narla | Pazo de Tor
Xaneiro de 2016
Presencial
A terceira edición de “Fotografía a Cegas” afiánzase cun pródigo percorrido andado, fotógrafos cegos sen andrómenas e con cámaras fotográficas en man, evidenciaron a súa capacidade creativa e o seu afán de superación.
Ao longo das últimas edicións quedaron patentes os resultados, mostrando a riqueza adquirida nunha actividade tan inusual como insubstituíble, demostrado con éxito a vontade e capacidade de derrubar barreiras coa curiosidade e o empuxe persoal desde a experimentación fotográfica.
Nesta nova edición expúxose un obxectivo prioritario: a necesidade de dialogo coa contorna e o contexto do Museo, abarcado desde a paisaxe cultural; mantendo a liña de actuación do ICOM programada para O Día Internacional dos Museos 2016, que versará contorna aos Museos e Paisaxes Culturais.
A Rede Museística de Lugo foi o escenario dunha nova edición de “Fotografía a Cegas”, exposta desde a introdución da paisaxe cultural, que neste caso cohabita co patrimonio histórico, etnográfico e natural dos catro Museos da Rede. Para iso programáronse unha serie de talleres cun roteiro marcado, onde as actividades e propostas expoñen unha paisaxe por descubrir e interpretar, desde o traballo de inclusión que emerxe da iniciativa dos propios participantes.
Galería
