Mulleres en rebeldía: o motín de Cervo, 1892″. Relatorio de Alba Díaz Geada
Encontro de Saberes
Esta proposta forma parte de: Foro expandido de Museoloxía Social
Onde se desenvolve: Museo provincial do Mar
Cando: 16/03/2024
ás 17:30 h
Formato: Presencial
A Área de Cultura, a través da Rede Museística Provincial de Lugo, quere visibilizar o papel das nosa mulleres na historia do país cun novo “Encontro de Saberes Compartidos”. Contaremos coa historiadora Alba Díaz Geada para achegarnos o relatorio “Mulleres en rebeldía: o motín de Cervo, 1892″, no que nos descubrirá o papel das mulleres nas revoltas do s. XIX provocadas pola suba dos consumos e a carestía da vida.
Nomeadamente, pola proximidade dos feitos, compartirá connosco o que leva descuberto ata o de agora acerca do sonado motín de Cervo, encabezado polas mulleres do lugar, o 23 de agosto de 1892. Tal atrevemento tivo que deixar pegada. Queda algo deste feito na vosa memoria familiar? Contáronvos algunha historia sobre este ou outros levantamentos semellantes? Se queredes participar na recuperación da vosa historia, achegádevos ó Museo Provincial do Mar de San Cibrao, o sábado 16 de marzo, ás 17:30 h.
Tamén che pode interesar
“Da Sementeira”
"Da Sementeira" Arte, natureza e territorio. Residencias artísticas de conciliación familiar
