A Tabula Hospitalis regresa ao Museo Provincial de Lugo
A Tabula Hospitalis do Courel volve ao Museo Provincial de Lugo tralo seu préstamo na exposición “Hospitalitas. La Gracia del encuentro / A graza do encontro”, organizada pola Fundación Las Edades del Hombre, onde tivo un lugar predominante en función da liña argumental da mostra na sede da Colexiata de Santa María de Villafranca del Bierzo.
Trátase dunha das pezas máis senlleiras da sala 9 do MPL, na sección de Romanización, na que se atopa dispoñible de novo para o público visitante.
