Axenda

O colectivo Mulleres á fronte, coa colaboración do Instituto de las Mujeres (Ministerio de Igualdad), presenta unha exposición fotográfica única que visibiliza as experiencias de mulleres caboverdianas na diáspora en España. Este proxecto creativo, baseado en metodoloxías visuais, ten como obxectivo resaltar as historias de vida das mulleres e poñer en valor as súas propias narrativas sobre a migración, coidado e traballo.

A inauguración terá lugar o día 10 de novembro, de 11:30 a 14:00 h, na sala de exposicións da Deputación Provincial de Lugo. Coincidindo coa inauguración, celebrarase o evento de peche e presentación de resultados do proxecto de investigación “Mulleres á fronte dende o Sur Global”, unha iniciativa de intervención participativa sobre desenvolvemento e igualdade a través da música, liderada pola mesma equipa investigadora e financiada pola Cooperación galega e a Universidade de Santiago de Compostela (USC).

O vindeiro 15 de novembro ás 11:30h, o Museo Provincial de Lugo acollerá a inauguración da exposición Memoria Audiovisual: Fotografía a Cegas, unha obra que explora trece anos de obradoiros de Fotografía a Cegas a través dun ensaio fílmico. Esta peza singular constrúese a partir dun arquivo único, un diario fílmico que se transforma nun cine-ensaio profundo e evocador.

O 21 de setembro, Día Mundial do Alzheimer, a Rede Museística Provincial de Lugo colabora con asociacións para visibilizar o Alzheimer e apoiar afectados e familias. Un dos seus programas, “Conserva de Memori(AS)”, busca preservar recordos das persoas afectadas, destacando a importancia da memoria. A exposición “21 s(empre)”, unha homenaxe artística de 21 artistas da Mariña lucense e traballos do alumnado do IES Alfoz-Valadouro, reflexiona sobre a enfermidade e reivindica o apoio constante aos afectados. A mostra abrirá o 21 de novembro ás 17:00 no Museo Provincial do Mar.

Con motivo do Día Internacional da Discapacidade, que se celebra o 3 de decembro, queremos compartir un resumo do camiño percorrido ao longo destes 13 anos de Fotografía a Cegas. Este proxecto, que naceu como unha iniciativa para adaptar postos de traballo para persoas cegas na Rede Museística Provincial, evolucionou ata converterse nunha proposta artística accesible, inclusiva e interdisciplinar.

Desde a súa creación, Fotografía a Cegas transformouse nun espazo no que participaron non só persoas con discapacidade visual, senón tamén a comunidade artística en xeral, incorporando disciplinas como a música, o vídeo e a danza. Durante estas edicións, fotógrafos cegos demostraron que as limitacións visuais non son un impedimento para a creación artística, evidenciando a súa capacidade creativa e o seu desexo de superación.

O 21 de setembro, Día Mundial do Alzheimer, a Rede Museística Provincial de Lugo colabora con asociacións para visibilizar o Alzheimer e apoiar afectados e familias. Un dos seus programas, “Conserva de Memori(AS)”, busca preservar recordos das persoas afectadas, destacando a importancia da memoria. A exposición “21 s(empre)”, unha homenaxe artística de 21 artistas da Mariña lucense e traballos do alumnado do IES Alfoz-Valadouro, reflexiona sobre a enfermidade e reivindica o apoio constante aos afectados. A mostra abrirá o 21 de novembro ás 17:00 no Museo Provincial do Mar.