O Museo Provincial de Lugo foi creado pola Deputación Provincial no ano 1932, co fin de reunir e protexer os bens do patrimonio cultural lucense.
Abriu por primeira vez as súas portas ao público en 1934, na planta baixa do Pazo de San Marcos. A mediados do século XX trasladouse ás dependencias do antigo convento de San Francisco de Lugo e foi declarado ben de interese cultural en 1962. Conta con 29 salas expositivas que albergan variadas coleccións de pezas, organizadas en tres grandes seccións: arqueoloxía, etnografía e belas artes.
Horario de inverno
(1 de novembro – 30 de maio)
De martes a sábado: De 10:00 a 13:30 e de 16:00 a 20:30
Domingos e festivos: De 10:00 a 16:00
Luns pechado
Horario de verán
(1 de xuño – 30 de outubro)
De martes a sábado: De 10:00 a 13:30 e de 16:00 a 20:30
Domingos e festivos: De 10:00 a 16:00
Luns pechado
VISITAS INMERSIVAS
As visitas inmersivas aos catro museos da Rede Museística Provincial de Lugo permiten a persoas usuarias de todo o mundo acceder ás nosas coleccións sen importar o seu emprazamento físico.
Están formuladas en clave de igualdade e inclusión e xorden como resposta á necesidade de achegarnos á comunidade adaptándonos ás distintas realidades da mesma.
As persoas que non dispoñan de conexión a internet poderán poñerse en contacto coa Rede Museística, que lles facilitará os recursos necesarios para ter acceso a estas visitas.
