A Rede Museística Provincial de Lugo foi constituída oficialmente no mes de xuño do ano 2006, e aglutina os catro Museos actualmente dependentes da Deputación Provincial de Lugo:
A creación da Rede respondeu á necesidade de unificar criterios e obxectivos, incentivar a colaboración, optimizar os recursos, procurar que as catro entidades se beneficien da condición de ser museos e buscar que todas as persoas teñan acceso a eles, converténdose así nun modelo de sostibilidade económica, social e medioambiental.
Onde atoparnos?
A Rede técese entre o Museo Provincial, na cidade de Lugo, o Museo-Pazo de Tor, o Museo-Fortaleza de San Paio de Narla e o Museo Provincial do Mar, en San Cibrao.
Catro espazos, cada un coas súas características e coleccións, e un mesmo eixo vertebrador: a museoloxía social e unha filosofía de accións vinculadas á comunidade, ao territorio e ao patrimonio.
COÑECE OS NOSOS MUSEOS E AS DIFERENTES MANEIRAS DE VISITALOS:
Visitas grupais e escolares
A Rede Museística Provincial, dependente da área de Cultura da Deputación de Lugo, a través dos departamentos de didáctica dos catro museos que a integran (Museo Provincial de Lugo, Museo Fortaleza San Paio de Narla, Museo Provincial do Mar e Museo Pazo de Tor) pon a túa disposición a posibilidade de realizar visitas escolares e grupais.
