Cantos á historia
Unha viaxe a través da Imaxe, Palabra, Son e Paisaxe.
Temática: Identidade, memoria e territorio
Público: Infantil e familias | Maiores | Mocidade |
Esta proposta forma parte de: Soterradas
Onde se desenvolve: Museo-Fortaleza San Paio de Narla
Cando: 30 de xuño
ás 12:00h.
Formato: Presencial
A Coral Polifónica Xolda presenta un concerto narrado no Museo Fortaleza San Paio de Narla. Este proxecto nace coa intención de converterse nun punto de encontro interxeracional, artístico e educativo, aproveitando os variados escenarios que ofrece a Rede Museística Provincial de Lugo. Nesta ocasión, a máxica fortaleza de San Paio de Narla será o pano de fondo desta experiencia única.
A través das voces, tanto narradas como cantadas, seremos guiados nunha emocionante aventura onde a arte visual, narrativa e musical se entrelazan coas fascinantes historias do Museo Fortaleza San Paio de Narla.
O fío condutor desta viaxe será un paxariño moi especial, chamado Pepiño, quen coas súas narracións descubrirá os segredos e lendas escondidas neste marabilloso lugar.
Deixádevos levar polo que Pepiño ve, canta e narra, e desfrutade dunha xornada inesquecible onde a historia e a música se fusionan nun espectáculo para todas as idades.
Non perdades esta oportunidade de vivir unha experiencia cultural que transcende xeracións, unindo o pasado e o presente a través das voces da Coral Polifónica Xolda e as historias do Museo Fortaleza San Paio de Narla.
