Itinerancia da exposición “Mulleres nas/das aldeas”

Este luns, día 22 de xaneiro, inaugúrase a primeira das itinerancias expositivas da Rede Museística neste 2024. “Mulleres nas/das aldeas”, de Carmen Porteiro, viaxará ata o Concello de Cervantes, ás Pallozas de San Román, despois de estar en Lugo en decembro.

Con esta exposición, desde a área de Cultura da Vicepresidencia da Deputación de Lugo a  través da RMPL,  queremos visibilizar, dignificar e empoderar todas as realidades dás mulleres nas/dás aldeas, con especial atención ao traballo dá comunidade migrante lucense como presente activo e coidador do noso rural.

MULLERES NAS ALDEAS: mulleres migrantes que non medraron no rural pero chegaron a el para provelo de coidados, ocupándose dos nosos maiores, das nosas casas e das nosas crianzas. Unha realidade, cada vez máis presente, de mulleres que atopan nas aldeas lucense unha oportunidade para ganarse a vida e integrarse na familia e comunidade habitando tamén o territorio. Nesta parte de mostra intégrase un espazo participativo para que as migrantes reivindiquen o seu papel na comunidade.

MULLERES DAS ALDEAS:

retratos de familias integradas por catro xeracións de mulleres que sempre viviron no rural, que nunca marcharon ou que foron formarse ou traballar á cidade, a outra provincia ou ao estranxeiro e que posteriormente decidiron volver ao seu pobo. A través do Programa Culturas en Diálogo da RMPL, no que se enmarca esta acción, levamos 25 anos traballando pola integración e visibilización das persoas migrantes en Lugo. 365 días de efeméride.