O Museo Provincial de Lugo participa na exposición: “Maruja Mallo. Máscara y Compás”
A Delegada de Cultura da Deputación Provincial de Lugo, Iria Castro, e a directora do Museo Provincial de Lugo, Aurelia Balseiro, asisten á inauguración da exposición “Maruja Mallo: Máscara y Compás”, na que o MPL participa mediante o préstamo de tres obras. Esta mostra, comisariada por Patricia Molins e organizada pola Fundación Botín e o Museo Nacional Centro de Arte Reina Sofía, inaugúrase oficialmente no Centro Botín de Santander o 11 de abril, día a partir do cal se poderá visitar ata o 14 de setembro.
A exposición, que busca achegar a obra e o pensamento de Maruja Mallo, así como expoñer a vixencia do seu traballo desde unha visión actual e renovadora, forma parte do proxecto expositivo dedicado á artista lucense que continuará despois no Museo Nacional Centro de Arte Reina Sofía.
Obras prestadas polo MPL:
Iria Castro (Delegada de Cultura da Deputación de Lugo) e Aurelia Balseiro (Directora do MPL) acompañadas pola comisaria da exposición, Patricia Molins (membro do Departamento de Exposicións Temporais do Museo Nacional Centro de Arte Reina Sofía).
Iria Castro (Delegada de Cultura da Deputación de Lugo) e Aurelia Balseiro García (Directora do MPL) acompañadas por Manuel Segade (Director do Museo Nacional Centro de Arte Reina Sofía).
A Delegada de Cultura, Iria Castro, acompañada pola Directora de Exposicións do Centro Botín de Santander.
