“Olladas que superan barreiras”
Obradoiro de Fotografía
Os días 7 e 8 de febreiro, o Museo Provincial de Lugo acollerá o obradoiro organizado polo Colectivo Ruando. Esta actividade está dirixida a persoas con capacidade diversa de Lugo e busca usar a fotografía como ferramenta para visibilizar e superar as barreiras da cidade.
A programación distribúese agora en tres sesións: o sábado pola mañá e pola tarde, e o domingo pola mañá. Durante estas xornadas, os 40 participantes máximos explorarán conceptos teóricos da fotografía de rúa e realizarán traballo de campo práctico polas rúas lucenses. Non se precisa experiencia previa, só é necesario levar unha cámara dixital ou un teléfono móbil.
