“No se oye”
“O esquecemento está cheo de memoria” – M. Benedetti
O vindeiro 5 de xuño ás 18:30 h, o Museo Provincial de Lugo acollerá a proxección do documental “No Se Oye”, seguida dunha charla-coloquio coas persoas protagonistas e realizadoras da peza audiovisual.
O documental, elaborado por alumnado da Fundación TIC de Lugo, recolle a impactante testemuña de dúas mulleres vítimas dunha aparente trama de sustracción de bebés nas casas de maternidade da cidade de Lugo durante a década de 1960. Trátase dunha peza que dá voz a historias silenciadas durante décadas e que nos convida a reflexionar sobre a memoria, a xustiza e a reparación.
A actividade enmárcase dentro do programa Cousas Nosas. Historias Soterradas da RMPL, coordinado por Encarna Lago, xerente da Rede Museística Provincial de Lugo. Este programa aposta pola recuperación e visibilización das memorias esquecidas ou silenciadas, a través da cultura e da participación comunitaria.
A entrada é libre ata completar aforo.
