(RE)CONEXIÓN

Público:Mocidade

Esta acción/programa forma parte de: Soterradas

Onde se desenvolve:  Museo provincial do Mar

Dende o 20/12/2022
De 16:30 pm

Presencial

Esta peza documental recolle a historia de vida de seis mulleres ao longo da provincia: dende a Mariña Lucense, pasando pola Terra Chá e a Ribeira Sacra, e ata os Ancares. As gravacións foron realizadas nuns obradoiros audiovisuais que Neocultivo Cultural impartiu dentro da Rede Museística Provincial de Lugo.

Nestas xornadas a mocidade de cada territorio entrevistou ás súas veciñas para coñecer o seu relato e conseguir que este perdure no tempo. O obxectivo deste proxecto é dar visibilidade aos testemuños de varias das bibliotecas vivas do rural lugués, fomentar valores positivos entre a xente moza e reavivar os lazos interxeracionais en cada comunidade.

Deste xeito, durante vinte minutos coñeceremos a Sagrario, Lidia, Dominica, Eladina, Maruja e Esther, as cales nos contan moitas das peripecias polas que transcorreu a súa vida en comparación coa realidade da que goza a mocidade actual.

Galería

Video

Enlaces de interese

Tamén lle pode interesar

XXI XORNADAS PEDAGÓXICAS

Nova edición, a XXI, das Xornadas pedagóxicas da Rede Museística nas que pretendemos reforzar os vínculos dos museos da Rede Museística coa comunidade educativa e ofrecer un plan de formación que axude a cumprir o obxectivo de que o profesorado conte cunha formación específica para a educación nos territorios rurais.