Benvidos a Pazo de Tor

As orixes do Pazo de Tor están ligadas á liñaxe dos Garza no século XIV, e a súa posesión mantívose en mans dos seus descendentes directos ata a súa derradeira propietaria, Dona María de la Paz Taboada de Andrés y Zúñiga, que fixo doazón da propiedade á Deputación Provincial de Lugo.

O edificio foi construído no último terzo do século XVIII, dentro do estilo barroco, pero xa matizado por certo sentimento estético neoclásico visible na súa sobriedade, simetría e emprego das ordes clásicas. Abriu as súas portas como museo o 13 de xullo de 2006.