Nova sesión das Xornadas de Acceso á Cultura en Galicia:

O vindeiro 18 de xuño, o Pazo de Tor acollerá unha nova sesión das xornadas Acceso á cultura en Galicia 202, organizada pola Comisión Técnica Temporal de Xestión e Políticas Culturais do Consello da Cultura Galega, coa coordinación de Encarna Lago, xerente da Rede Museística Provincial. Nesta ocasión, o enfoque estará posto na interseccionalidade como chave para entender e garantir o acceso real e equitativo á cultura.

Tema central: Interseccionalidade e dereitos culturais

Esta cuarta sesión centrarase na análise das múltiples desigualdades que afectan o dereito de acceso á cultura, desde unha perspectiva interseccional que pon o foco en factores como o xénero, a etnia, a clase social, a orixe xeográfica, a diversidade funcional, os ciclos de vida ou o territorio.

Abordaremos como estas dimensións se cruzan xerando exclusións específicas que un enfoque xeral non identifica, e reflexionaremos sobre como construír políticas culturais inclusivas e transformadoras.

Inscrición

🔗 A inscrición é gratuita e pode realizarse a través da seguinte ligazón:
👉 Formulario de inscrición
⚠️ Prazas limitadas por orde de inscrición.

Programa

🕙 10:00 h — Recepción e presentacións institucionais
🕥 10:30 h — Presentación das cartografías e diagnósticos polas palabreiras
🕚 11:00 h — Inicio das mesas de traballo: Boas migas
🕦 11:30 h — Descanso e visita ao pazo con perspectiva interseccional
🕧 12:30 h — Mesas de traballo: Reflexionar xuntas
🕜 13:30 h — Debate conxunto e conclusións polas palabreiras
🕑 14:00 h — Non me toques o segredo, creación da compañía Experimenta Danza, sobre desigualdades interseccionais e resistencia corporal
🕝 14:30 h — Xantar comunitario

Participan

• Xavier Rey Feijoo (Taller Daulloa) e Cristina Alonso (COGAMI Lugo)

• Aitana García Lage (Federación Autismo Galicia)

• Patricia Vázquez Carballal (FEAFES Galicia – Delegación de Lugo)

• Francisco Farnés Caminero (Axencia da ONCE en Lugo)

• Adilenys Trujillo Yáñez e Aleida Naval Santos (SINTRAHOCU)

• Irene Jiménez Cortiñas (Secretariado Xitano)

• Ana Bereciartúa (Asociación Rioplatenses)

• Leonardo Casado (Voluntariado de ACCEM A Coruña)

• Noelia Gómez (Plataforma Diversa Infantil)

Palabreiras e redacción de informes

• Sergio Marey

• Isabel Fernández

• Ruth Sousa

• Fran Quiroga