Robótica e arte no Museo
Robótica e arte no Museo
Cousas nosas
O vindeiro domingo 18 de maio de 2025, de 10:00 a 13:00, o Museo Provincial de Lugo acollerá un obradoiro dirixido a estudantes de bacharelato de entre 16 e 18 anos, con prazas limitadas para entre 10 e 12 participantes. A actividade será impartida por Enrique Peñalver, quen guiará aos asistentes nunha experiencia inmersiva que conecta a robótica e a intelixencia artificial co patrimonio cultural.
Durante o obradoiro, os participantes descubrirán como estas tecnoloxías poden enriquecer a comprensión e a narración das experiencias culturais a través de exercicios prácticos e interactivos. Traballarán con tres robots móbiles intelixentes —un TurtleBot con LIDAR, un robot segue-liñas con altofalante integrado e o Ruko 1080P Smart Robot con cámara e visión artificial— que permitirán explorar ferramentas de control, manexo e creación de narrativas tecnolóxicas.
É imprescindible inscribirse previamente, xa que o número de prazas é limitado.
