Concerto de Rosa Leiro e Juan Carlos Cambas

O próximo 18 de decembro, ás 18:00 horas, no Museo Provincial de Lugo, celebrarase o concerto Camiño Aberto, unha viaxe musical que une as culturas de Galicia e Latinoamérica a través da voz e o piano. Este evento enmárcase na celebración do Día Internacional do Migrante, baixo o lema Xuntas e Xuntos na Diversidade: Por un Mundo Máis Humano, organizado pola Asociación Rioplatenses de Lugo e a Rede Museística Provincial.

Este espectáculo íntimo, a cargo da cantante galega Rosa Leiro e do pianista arxentino-galego Juan Carlos Cambas, foi concebido para homenaxear as raíces compartidas e o intercambio cultural que a migración simboliza. Cun repertorio exquisito que inclúe clásicos galegos e latinoamericanos, así como obras inéditas creadas especificamente para este proxecto, Camiño Aberto preséntase como unha reflexión musical sobre a identidade, a pertenza e a conexión entre pobos.

A actuación ofrecerá unha selección de cancións que representan a esencia das dúas rexións:

• Galicia: Versións renovadas de temas como Negra sombra (Rosalía de Castro / Juan Montes) e Ai ven o Maio (Luis Emilio Batallán), xunto con pezas inéditas como Posta de Sol (Manuel Lueiro Rey / José Luis Dopico) e Galicia (Ramón Cabanillas / Rosa Leiro).
• Latinoamérica: A riqueza musical de Arxentina e Chile estará representada por temas como Grazas á vida (Violeta Parra), Eu só lle pido a Deus (León Gieco) en versión bilingüe galego-castelán, o tango Balada para un loco (Astor Piazzolla) e o tradicional Los ejes de mi carreta (Atahualpa Yupanqui).

O proxecto Camiño Aberto representa unha metáfora musical do camiño percorrido por tantas persoas que atravesaron océanos en busca de novas oportunidades, levando consigo as súas tradicións e valores.