EdMS24 | Investigar e aprender no museo: outro tempo

Ciclo de conversas

Cartaz promocional de Estratexias de Museoloxía Social EdMS24, baseado na eira e os labirintos de pedra do Pazo de Tor. O lema desta edición son as conversas sobre investigar e aprender no museo e outro tempo

Temática: Museoloxía social

Público:  Profesionais de museos e investigadoras

Esta proposta forma parte de: Estratexias de Museoloxía Social

Cando: Todos os martes (17:00-18:30) do 09 ao 30 de abril de 2024, ambos incluídos.

Formato: En liña

Este ciclo de conversas formou parte de Estratexias da Museoloxía Social da Rede: EdMS24, unha nova experiencia para a comunidade iberoamericana da Rede: un espazo de diálogo, posta en común e pensamento colectivo. Dende a perspectiva da educación e a investigación no museo -en liña co lema do Día Internacional dos Museos deste 2024– e co foco posto no tempo.

Buscamos coñecer experiencias, da man de profesionais de referencia iberoamericana nos ámbitos da educación e a investigación no eido museístico. Pero tamén falar e debatir sobre que condicións deberan darse para xerar contextos con tempo de calidade para que profesionais de museos, outros axentes culturais e a propia comunidade poidan indagar, experimentar e aprender sobre as súas coleccións ou sobre as realidades sociais do territorio.





CON QUEN CONVERSAMOS?

Reforzando a conexión iberoamericana da Rede formulamos estas conversas como unha oportunidade de vincular como convidadas a profesionais da contorna ibérica e de Latinoamérica. Todas referentes nos seus respectivos ámbitos de especialidade:

  • 09/04 | Conversación #1. Rufino Ferreras (educador de Museos e director da Área de Educación do Museo Nacional Thyssen-Bornemisza) e Chiqui González. (xestora cultural, especialista en Infancias y Museos, ex-ministra de Innovación e Cultura da provincia de Santa Fe-Arxentina).
  • 16/04 | Conversación #2. Olaia Fontal Merillas (directora do Observatorio de Educación Patrimonial en España -OEPE) e Nayeli Zepeda (mediadora e investigadora. México-EEUU).
  • 23/04 | Conversación #3. Clara Boj (artista, investigadora cultural e docente en la U.P. de València. Co-directora do Programa Experimental de Mediación y Educación a través del Arte Permea-Consorci de Museus de la Comunitat Valenciana y Universitat de València) e Esteban Torres Hormazábal. (xefe de Educación, Mediación e Audiencias do Museo Violeta Parra de Chile e Director de Museo de los Museos).
  • 30/04 | Conversación #4. María Cacheda Pérez (xestora de patrimonio cultural e educadora con perspectiva feminista e inclusiva. Área de Mediación da Axencia Catalana do Patrimonio Cultural) e Johanna Palmeyro (museóloga, curadora pedagóxica e impulsora de Movimiento Justicia Museal).

Enlaces de interese

Estratexias de Museoloxía Social 2023

Estratexias dixitais na museoloxía social

Tamén che pode interesar

Comparte nas túas redes