VII Xornadas de Divulgación Científica do Patrimonio Arqueolóxico Lucense

Este luns, 18 de marzo, tivo lugar no Museo Provincial de Lugo a presentación das VII Xornadas de Divulgación Científica do Patrimonio Arqueolóxico Lucense, que levan por título “As villae na Gallaecia. Establecementos agrícolas-señoriais de época romana” e que se celebrarán os vindeiros días 5 e 6 de abril.

Así mesmo, procedeuse á apertura do prazo de inscrición, que poderá realizarse ata o 4 de abril cumprimentando e presentando no Rexistro Xeral da Deputación de Lugo (presencial ou telematicamente) o seguinte formulario:

Formulario en galego

Formulario en español

Coa realización desta sétima edición das xornadas procúrase:

• Abordar, desde diferentes perspectivas, o contexto das villae romanas na Gallaecia.

• Visualizar estratexias de difusión e divulgación científica para un correcto coñecemento do patrimonio romano da nosa contorna.

• Relacionar a transferencia do coñecemento coas sinerxías de valor social, a nivel local e xeral, desde formulacións interdisciplinares e transversais.

• Contribuír ao estudo e difusión das villae para xerar novos contidos e transferirllos á sociedade.

• Dar a coñecer os materiais e pezas, procedentes de villae, que forman parte do patrimonio arqueolóxico do Museo Provincial de Lugo.

• Darlles visibilidade aos estudos históricos e arqueolóxicos realizados no eido patrimonial das villae.

• Fomentar as relacións institucionais, con entidades docentes e culturais doutras localidades de España, promovendo conexións recíprocas de colaboración e divulgación científica.

Pode descargar aquí o programa completo:

Programa en galego

Programa en español